مسرح دمى خيال الظل للاطفال، جيل سنتين حتى ٧ سنوات
بيوم من الايام بتقرر الشمس ما تطلع وضوي الدنيا وتخلي القمر لحاله بالسماء… تعباني وزعلاني لانو الكل بهتم بحالو وما حدا بشكرها. حيوانات الغابة بتعمل اجتماع طارئ لانو صعب يعيشوا بالعتمة وبعدها بقرروا يبعتوا الطاؤوس الي ما بنجح يقنع الشمس، وكمان العندليب والببغاء ما بنجحوا… حيوانات الغابة ما بتعرف شو تعمل وكيف تتصرف… من بعيد بسمعوا صياح الديك الي بطلب من حيوانات الغابة يجرب يحكي مع الشمس الي بترفض تحكي مع الديك وما بدها تضوي الدنيا وبدها تبقى ناييمي… الديك ما بتنازل للشمس لانو بدونها ما في حياة، وبحكمة وذكاء بقنع الشمس ترجع وضوي الدنيا، والا نورها راح يختفي للابد بحال طلعت والكل راح ينساها.. لهيك كل يوم وقبل ما يطلع الصبح منسمع صياح الديك يذكر الشمس تطلع وضوي الدنيا ويصحينا احنا كمان حتى نبلش يومنا بنشاط وحيوية…
كتابة وإخراج: هشام سليمان
تمثيل: اميمه سرحان/عبيده زيد